MS MS бренд

Брендот MS е создаден во 2003 година како приватен заштитен знак на M SAN Grupa d.o.o. и во својот асортиман комбинира производство и продажба на периферни уреди, куќишта, напојувања, додатоци за преносни компјутери и кабли. Нашата цел е да понудиме квалитетни производи со модерен дизајн на пазарот кои на клиентите им носат чувство на задоволство и одлична вредност за парите.

Седиштето на Групацијата M SAN, во чии рамки го развиваме брендот MS, се наоѓа во Загреб, каде се сместени нашите вредни комерцијални и маркетинг тимови. Одделите за логистика и администрација, како и целокупниот оддел за контрола на квалитетот се наоѓаат во кинеските градови Донгуан и Хонг Конг. Одделот за контрола на квалитетот вработува десет инженери кои, преку сеопфатни процеси, го надгледуваат развојот на секој производ и гарантираат дека сите артикли ги исполнуваат стандардите за квалитет пред да ја напуштат фабриката.

MS како бренд од самиот почеток е препознатлив по својот квалитет и успешно работи на пазарите во Хрватска, Босна и Херцеговина, Србија, Црна Гора, Косово и Македонија. Слушајќи ги потребите на потрошувачите на европскиот пазар, MS во наредниот период има за цел да ја прошири дистрибуцијата и продажбата во земјите дел од Европска унија. Според плановите за развој, во 2020 година MS го смени својот визуелен идентитет и дефинира три групи производи, каде секоја група доби своја препознатлива боја. Во процесот на ребрендирање беа променети имињата на сите производи и беа поставени нумеричките категории 1, 3, 5, 7 и 9, каде што категоријата 1 ги претставува наједноставните и ценовно најдостапните производи, додека категоријата 9 ги комбинира сите производи со највисок квалитет од MS портфолиото.

HOME & OFFICE

Идентитетот на категоријата производи Home & Office се комуницира преку тиркизна боја и комбинира глувци, слушалки, веб-камери, додатоци за преносни компјутери и други производи од компјутерски периферни уреди наменети за канцелариска и домашна употреба.

GAMING

Препознавајќи го вртоглавиот раст и интересот за индустријата за игри, MS како бренд постојано работи на подобрување на својота гејминг понуда. Палетата на гејмерски производи ја комуницираме преку специфична портокалова боја, а во оваа категорија нудиме куќишта, глувци, слушалки, подлоги за глувци и други производи кои ги задоволуваат потребите на гејминг рекреативците, но и понапредните играчи.

SOUND

Линијата Sound комбинира различни модели на звучници и Bluetooth слушалки произведени во согласност со најновите технологии, а самата линија е препознатлива по својата жолта боја која симболизира енергија, среќа и позитивност, што често се поврзува со слушање музика.

Посветени сме на континуирано подобрување и развој на нови производи и категории, а без разлика дали се работи за гејминг портфолио, канцелариска или аудио опрема, сакаме да Ви понудиме производи кои носат чувство на задоволство, го прават секојдневниот живот поубав и даваат најдобра вредност за парите.